Lacazette e konfirmon se do qëndrojë: Nuk kam ndonjë arsye për tu larguar

20:36 | 26 Shkurt 2020
Arbresh Info

Sulmuesi i Arsenal, Alexandre Lacazete ka thënë se nuk e mendon largimin nga “Emirates”.

Ka pasur spekulime të shumta që Lacazette mund të largohet nga “Topçinjtë” nëse klubi dështon të kualifikohet në Ligën e Kampionëve për sezonin e ardhshëm.

Mirëpo, francezi i ka heshtur këto thashetheme dhe deklaroi se është i lumtur te klubi anglez.

“Nuk e di për këtë gjë. Kam kontratë me klubin dhe nuk kam ndonjë arsye për tu larguar, të gjithë janë të lumtur me mua në klub”, theksoi ai.

Raportimet e fundit thonë se Inter ka interesim për Lacazette dhe synon ta sjellë në “San Siro” verën e ardhshme.

Lacazette këtë sezon për Arsenalin ka qenë i pranishëm në 19 ndeshje duke shënuar gjashtë gola dhe kontribuar me tri asistime./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm